حب مدفوع

ان يلكمة بونية ف وجهة 
امل طب نسيب الاولاد يتكلموا مع بعض شوية ولا اية 
ادهم اه طبعا
امل خدى اياد واقعدوا ف البلكونة يا رؤى
رؤى بكسوف حاضر اتفضل
ذهب معها حتى ان وصلوا الى المكان
اياد مامتك دى طيبة اوى
رؤى شكرا
اياد متفحصا اياها والفستان جميل عليكى
رؤى بكسوف احم شكرا
اياد ف نفسة اية دة دى بتتكسف هو فى حد ف الايام دى بيتكسف ف الزمن دة تلاقى البنت تعاكس الولد وتقولة يا موز عدى معاليكى قدى

رؤى هو انا ممكن اطلب منك طلب
اياد وهو ينظر ف عينيها طلب واحد بس قولى 10 
رؤى بكسوف احم خلاص 
اياد لالا خلاص انا بهزر
رؤى بصوت منخفض انا بس كنت طالبة اخد نص المبلغ اول مانتخطب
اياد انت محتاجة الفلوس اوى كدة 
رؤى بسرعة جدا والله العظيم
اياد طب خلاص خلاص هكتبلك شيك اول مانتخطب ع طول والنص التانى تاخدية بعد ماالفترة تخلص
رؤى بابتسامة شكرا اووووى
اياد ف نفسة لالا انا مش هقدر استحمل دى قمر اوى وخصوصا لما بتضحك انا لازم امشى من هنا حالا قبل ماارتكب چريمة
ادهم تمام احنا كدة متفيق ع كل حاجة اية رايكم بكرة نروح نشترى الشبكة بكرة
امل والله انا معنديش ماانع 
ادهم خلاص يبقى بكرة ان شاء الله !!
الحلقة 5
رحل اياد ووالدة وابن عمة ادم
وخرج كلا من صديقتها ياسمين واختها داليا
ياسمين بفضول
ها اتفقتوا ع اية 
امل بكرة ان شاء الله هنروح نشترى الشبكة والخميس اللى جاى الخطوبة
ياسمين بفرحة هيييييه مبروك يا قلبى
رؤى بابتسامة الله يبارك فيكى
داليا لا بس الواد موز يا بت يا رؤى
رؤى بضيق احترمى نفسك يا بت 
داليا ايةة دة هى من اولها غيرة
امل بس يابت يا داليا ويلا ادخلى ذاكريلك كلمتين
داليا يوووة هو انا ف مدرسة ولا عيلة صغيرة عشان كل شوية تقوليلى كدة
ياسمين ههههههه وربنا انت طفلة يا داليا
داليا no baby my name is delo
وف اليوم الثانى
استيقظ اياد مبكرا واتجة نحو الحمام ثم اتحمم وارتدى ملابسة ثم خرج نزل بهدوء فوجد والدة وشقيقتة جالسين يتحدثون عن مقابلة امس
نرمين صح يا بابا انا مش هروح معاكو وانتو بتشتروا الشبكة
تدخل اياد وقال
اياد لية ان شاء الله
نرمين بتوتر احم هو ادم رايح معاكو 
اياد يادى ادم وبتسالى لية 
نرمين هاا احم لا عادى بسال 
ادهم لا ادم هيتابع الشركة بدالى لان انا واخوكى مش هنبقى موجودين 
اياد بصوت منخفض الحمدلله الحمدلله
نرمين طب عن اذنكوا بقاا الحق المحاضرة قبل ما تبتدى
نظر لها اياد بعدم فهم 
رحلت نرمين خارج الفيلا ثم نظر لوالدة 
ادهم ماشاء الله هتتحسد يا اياد صاحى بدرى وهادى ويا سلام بقا لو قولتلى انك رايح الشركى
اياد انا فعلا رايح الشركة 
ادهم بتفاجى لا بجد انا مش مصدق نفسى
اياد بابا نرمين مالها 
ادهم بتساؤل مالها يا اياد معرفش 
اياد طيب تمام عن اذنك يا بابا
ثم خرج اياد
وجدت جرس الباب يدق اتجهت نحوة ثم فتحت وجدت صديقتها ياسمين
ياسمين بمرح ياترى عروستنا عاملة اية 
رؤى بابتسامة انا كويسة يا قلبى تعالى ادخلى
دخلت ياسمين المنزل 
ياسمين بصى بقا ادخلى قيسى الفستان دة 
رؤى لا يا سوو كدة كتير انت لسة جيبالى واحد امبارح
ياسمين يابت يا هبلة احنا صحاب مفيش بينا الكلام دة
رؤى ربنا يخليكى ليا يا سوو
ياسمين مټخافيش هفضل قاعدة ع قلبك كدة لغاية ماتتجوزى يلا خشى قيسى الفستان
اتجهت رؤى نحو الغرفة وظلت ياسمين جالسة ف الصالة فوجدت هاتفها يرن فاخرجتة من حقيبتها
وقراءت الاسم ثم ابتسمت واجابت
ياسمين الوو 
ايهاب وحشتينى 
ياسمين بابتسامة وانت كمان 
ايهاب عاملة
اية يا حبيبتى
ياسمين بروح لصحبتى عشان هتتخطب يوم الخميس اللى جاى 
ايهاب ممممم مبروك ليها وعقبالنا 
ياسمين ياااااااارب قولى بقا انت بتعمل اية 
ايهاب بفكر فيكى طول اليوم مش بعرف انام ولا اى حاجة
ياسمين ممم احم احم
ايهاب بتتكسفى يا بطة
ف نفس اللحظة خرجت رؤى وهى ترتدى الفستان نظرت لها ياسمين بابنهار ثم قالت
ياسمين اقفل اقفل دلوقتى
ايهاب ف ايية 
ياسمين هكلمك بعدين سلام
واغلق المكالمة واتجهت نحو رؤى وامسكت بيد رؤى وهى تدور بها
رؤى اايية رايك 
ياسمين واو يخربيتك يا رؤى انت مخبية الجمال دة كلة فين عارفة يوم خطوبتك لو مقلعتيش الحجاب هعمل فيكى اية 
رؤى لالا طبعا انا مش هقلع الحجاب
ياسمين بليز يا رؤى دة انت شكلك حلو اوى من غيرة 
رؤى معلش