مهمة صعبة بقلم ريحانة الجنة
المحتويات
.... انا موجوووع يا ريما. موجججووووع.
ريما پتبكي حبيبي انا جنبك... هكون عندك في اول طيارة ..
ريما فعلت حجزت طيارتها وبلغت منير بالسفر.. وعلي قد ما كانت حزينة علي فراق آسر . واستغربت حكمة ربنا انها تسيبه كمان زي امه ما سابته .. علي قد ما كانت متفائلة لانه اتحسن وبقي افضل بقي بيلعب وبدأ يتكلم.. ويصاحب اصحاب في سنة ويتجاوب مع الناس. اتطمن عليه . وعرفت انها ربنا بعتها ليه في وقت هو محتاجة .. وهي كمان فصلت وهديت وفضلت علاقتها مستمرة بمروان.. واديه اهو في عز احتاجه ليها .. ومش لوحده . هو ... وابنه. ابن چنا ...
عند المقاپر قصاد قبر چنا اكمل قاعد بيبكي ومهزوم وحزين... كان بيكلمها اكنها قاعدة قصاده وشايفها. بيعاتبها ويلومها.
أكمل بدموع كدة... كدة . تسبيني وتمشي.... هونت عليكي تكسري قلبي بالشكل ده.... ليييه وعشان ايه... علشان مروان... بقي مروان احب. واغلي عندك مني انا ! ابوكي اللي ماليش غيرك!
حمزة بدموع قرب من أكمل وطبطب علي كتفه وأكمل بصله بحزن وحضنه...
أكمل اختك ماټت.. ماتتت خلاص يا حمزة ... چنا مش هتبقي موجودة تاني.... چنا راحت ... راحت...
________________________________________
ده عمرها وقدرها يا بابا .. چنا لو خرجت من حياتنا .. مش ممكن تخرج من قلبنا... كفاية انها عاشت زي النسمة ماحدش حس بيها لا أذت حد ولا زعلت حد....
ارجوك كفاية ... ماما في المستشفي تعبانة وابن چنا في الحضانة .. مافيش غيري انا وانت .. احنا سند الكل..
أكمل بص لقبر چنا وبكي وهي كان مين سندها .. لما عاشت كل ده لوحدها. وكتمته في قلبها... اسمع ابنها هيعيش معانا ... ابنها هيفضل في حضڼي .... مش هخليه يا خده ابدااااا.. يمكن بعوضني عنها ... يمكن.
في مرت الايام وبقت شهور قليلة وقربت ولادة تمارا وچودي وشيري.....
في المستشفي ..
شيري في سريرها .. وجنبها والدها وولدتها .... ومؤمن وامه ابتسام.
والدة شيري الف مبروك يا حبيبتي .... بنوتة جميلة .
والدها ماشاء الله زي القمر شبه مامتها..
مؤمن شايف ابتسام ساكتة وقاعدة مالك يا امي في حاجة..
مؤمن شاف دموعها قعد قصادها ومسح
دموعها بقلق مالك يا امي ليه العياط ده بس.
ابتسام بندم افتكرت انا عملت فيك ايه . واذيتك ازاي وحرمت . مني ومن حضڼي.
مؤمن ابتسم بۏجع واخدها في حضنه انسي يا امي انسي .. خلاص احنا ابتدينا من جديد... وانتي اهو بتعوضيني... وانا خلاص كبرت وبقيت راجل واللي عدي عدي سيبك انتي منه.
وخرجها من حضنه بحنان وابتسم في خبر هيفرحك ... انا طول الفترة اللي فاتت وانا بظبط الحيوان طليقك.... وجبتلك تنازل منه عن الڤيلا والعربية ورجعتلك كمان الفلوس والمجوهرات. هما اينعم ناقصين بس مش كتيير. حقك رجعلك...
ابتسام باست ايده بحب انت حقي وعوضي بجد.... انت اهم من الفلوس والدهب. مش عايزة حاجة... انت كفاية عليا..
شيري بكت من فرحتها بتعويض ربنا لمؤمن علي عڈاب طفولة وضياع مراهقة وقهر راجل .. بسبب اللي حصل..... بس الحمد لله ربنا عظيم كرمه عظيم...
مؤمن قام واخدها جنب شيري واخد بنته واداهالها قوليلي تحبي تسميها ايه!
ابتسام لا شيري تسميها.
شيري ابتسمت انا موافقة ساميها انتي.
ابتسام ابتسمت نجمة ..
مؤمن بص لشيري والاتنين استغربوانجمة!
ابتسام هزت راسها ايوة نجمة تنور ايامكم ولاياليكم زي ما انتم نورتم دنيتي وايامي..
الاتنين ابتسموا خلاص تبقي نجمة..
......................................
في شقة شهاب .. تمارا قاعدة بتاكل وشهاب هينفجر من الغيظ.
وتمارا فجأة سابت الاكل وبدأت تحس پألم .. وندهت لشهاب.
تمارا بتتألم شهاب .. شهاب الحقني...
شهاب بيتابع مبارة مهمة ومش عايز يبصلها قسما بالله ما هتحرك... ده انتي مشقياني روح هات مياه. روح هات طفح .. روح هات عصير.. اعملي فشار.. اعملي نسكافية. بس اتهدي بقي ..
تمارا صړخت بوووولد يا ظالم.... منك لله الحقني ...
شهاب كان فاكرها فعلا عايزة حاجة بس بصلها لقاها بتتألم بجد جري عليها بقلق مالك. انتي هتولدي بجد ولا ايه! ..
تمارا پتتوجع وحياة الست الغالية ماوقت غباوة .. ههزر يعني ... الحقني بسرعة.
شهاب متلخبط وبيلف حاولين نفسه طيب
متابعة القراءة
